Уругларның сугга айыыл чок чоруун хандырарының дугайында Чайгы үениң чедип келгени-биле, уругларның сугга айыыл чок чоруунуң дугайында айтырыг кол черни ээлеп турар. Ол дугайында Тываның өөредилге сайыдының хүлээлгезин күүседип турар Ренат Ооржак демдеглээш, ада-иелерни харыысалгалыг болурунче кыйгырган. 💭«Бо хүннүң чугула темазы – уругларның сугга айыыл чок чоруун хандырарының дугайында чугаалаксадым. Эргим ада-иелер, ол кончуг шыңгыы айтырыг болур! Кудумчуда агаар изип келген – хем-сугга уруглар эштиксээр… Уругларны доктаамал хайгаараары берге дээрзин билип тур мен, ынчалза-даа хем, суг, хөөлбек онза айыылды тургузуп турар. Хем, суг, хөл, далай эриинге, харын-даа бассейн чанынга чаштарның база элээдилерниң чанынга доктаамал хайгаарал херек, кичээнгейлиг болуруңарны диледим» — деп, сайыт демдеглээн. Ол ышкаш Ренат Ооржак уругларның сугга айыыл чок чоруунга хамаарышкан элээн каш сүмелерни дамчыткан: ✅Уругну суг чанынга кажан-даа чааскаандырзын арттырбаңар; ✅Сугга шын алдынарының дүрүмнерин уругга тайылбырлаңар (чижээлээрге, ырадыр эштип болбас); ✅Херек апарган үеде камгалал жилеттерни болгаш төгериктерни ажыглаңар; ✅Улуг кижиниң хайгааралының адаанга уруг эштип билирин ылаптап көрүңер. 💭«Уруг-дарыыңарга хем-сугнуң айыылын үргүлчү чугаалап, сугга айыыл чок чоруктуң дүрүмнерин сагыырын сагындырып туруңар. Чаш уруг-дарыыңарны камнап көрүңер, чай өөрүшкүлүг болгаш айыыл чок болзунам! Серемчилелдиг болгаш ажы-төлүңерге кичээнгейлиг болуруңарны диледим» — деп, Ренат Ооржак катап база кыйгырган. #безопасностьдетей Оценил 1 человек Показать список поделившихся